Kakar

کاروان او کابل........./خان زمان کاکړ

19.05.2011 09:02


ما د کاروان د چنارونو مرثیه تر ګران کابله يوسي
ما نه کاروان، نه مي کابل ليدلی
زه د کاروان په نغمو تنده د کابل ماتوم
عن لکه څوک چي د ټاګور په مناجاتو تر باداره رسي
داسي په يو کارواني خيال تر کابل جانه رسم
کاروان کعبې ته لاړو، کور ته ترې حاجي راستون شو
زه لا زيارت ته تللی نه يم د کاروان او کابل
زه د تاريخ د ډېرو لويو تراژيديو بچی
زه د تاريخ په يو خوړجنه غلامۍ کي پېدا
نه د کاروان غوندې نغمې نغمې د شاتو ويالې
نه د کابل غوندي د زړونو سلطنت لرمه
زه له دې دواړو جنتونو رابېل شوی ادم
ما د کاروان د چنارونو لوګي ډېر ژړلي
خو ما په اوښکو د کابل څېره مينځلې نه ده
دغه يو پور راباندې پاته د کاروان او کابل
خو اژدها ډيورينډ تر منځه پروت دی
کور دي نيژدې کوڅه دي لرې
دېوال دي پرېوځه چي وېړيا شي ديدنونه


12 APRIL 2011


ستاسو تبصره


لطفاً لاندې افغانستان په انګليسي تورو وليکئ.